CXLIV

1330, Februar 26. Breslau.

Herzog Bolko (II.) von Schlesien, Herr von Fürstenberg und Münsterberg, befreit die Klosterbrüder als Besitzer der Dörfer Dörndorf, Schlottendorf und Wolmsdorf von den Rossdiensten daselbst, gegen Empfang einer Baarsumme.

In nomine domini amen. Testimonia idonea et literarum suffragia ideo antiquorum adinvenit provisio, ut gesta hominum ex hoc valeant memorie perpetue commendari. Hinc est, quod nos Bolco dei gratia dux Slesie et dominus de Furstinberg et de Munstirberg, tenore presentium recognoscimus, volentes ad universorum notitiam pervenire, quod nos intuitu divine remunerationis maturaque deliberatione cum fidelibus nostris prehabita, quidquid extitit servitii dextrarialis de hiis infra scriptis villis ad monasterium Camenz pertinentibus, videlicet: Durndorf, Slawatindorf et Volveramsdorf prope Frankinsteyn, vendidimus iuste venditionis titulo honorabilibus et religiosis viris domino abbati et conventui de Kamencz fratribus ordinis Cisterciensis pro quadam summa pecunie nobis sine omni diminutione et integraliter persoluta. Unde statuimus, ordinamus, disponimus et volumus, ut nominati viri religiosi et dictarum villarum claustralium possessores a dextrarialibus servitiis earundam villarum trium, non obstantibus aliquibus registris sive libris, in quibus dominii nostri successorum et heredum nostrorum detrarialia servitia conscripta fuerint, sint perpetuis temporibus liberi et soluti. In cuius rei certitudinem presentes fieri et dari iussimus literas sigilli nostri munimine roboratas. Testes huius sunt milites et fideles nostri: domini, Arnoldus, Heynemannus et Peregrinus de Petirzwalde, Merboto et Johannes de Hain, Nicolaus Kurdebok milites; et dominus Johannes Comeren, plebanus Munstirbergensis, Hermannus de Strelin et Petrus curie nostre notarius. Actum et datum Wrat. anno domini M°. CCC°. XXX°., IV. Kal. Mart.

Or. Perg. An Schnüren von gedrehter grüner und violetter Seide hängt das Siegel des Herzogs mit Rücksiegel (Adler, behelmt; vgl. Pfotenhauer, Siegel S. 24, den 2. Holzschnitt).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.